البعبع (شيخ الحب) وزيرداخليةالشيطان
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

البعبع (شيخ الحب) وزيرداخليةالشيطان

دنيا سوفت لخدمات الانترنت والروحانيات
 
الرئيسيةالبوابةأحدث الصورالتسجيلدخول

 

 حد قبل كده اتهمك بالغرور؟

اذهب الى الأسفل 
كاتب الموضوعرسالة
elpo3po3
Admin
Admin
elpo3po3


عدد الرسائل : 2344
العمر : 54
الموقع : قلب حبيبتي
السٌّمعَة : 9
تاريخ التسجيل : 10/10/2007

حد قبل كده اتهمك بالغرور؟ Empty
مُساهمةموضوع: حد قبل كده اتهمك بالغرور؟   حد قبل كده اتهمك بالغرور؟ Icon_minitimeالأربعاء فبراير 08, 2012 11:47 am


صباح الخير


عاوز النهارده نتكلم في حاجه شغلاني
يا ترى حد قبل كده اتهمك بالغرور؟
طيب حد اتهمك بضعف الشخصية؟
طب بلاش حد قالك إن شخصيتك مهزوزة شويه ؟
طيب في حد قليل الذوق جدا قالك انك عديم الشخصية؟
إحنا كتير بنحكم على ناس بأنهم ضعاف الشخصية
ونسميهم شرابه خرج......أو نقول أنهم دلدول....أو امعه
أو حتى خروف لو بنتكلم عن راجل ضعيف قدام زوجته القوية
طيب كويس
إيه إلى يخلينا ماندخلش في الدايره دى
إيه إلى يخلينا واثقين في نفسنا.... وفى نفس الوقت مش مغرورين

احبابى الثقة بالنفس مكرمه وخلق حميد بيتحلى به الأفراد بين الناس
وبيكون زى تاج يضيف كثيرا لمن يتحلى به
مش هطول عليكو إحنا هنتكلم عن الثقة بالنفس و ازاى يكون كل واحد فينا واثق من نفسه

.........
الأول لازم نعرف إن
الثقة في النفس مش ثابتة وغالبا بتتأثر بالظروف اللي حوالينا …
يعني مثلا صحيت من النوم لقيت الجو كويس ولقيت
تقدير من (والديك- شريك حياتك- جيرانك…) ولاقيت الناس كلها مبتسمة في وشك..
أكيد هتشعر بالثقة وأنت نازل من بيتكم.. صح؟
لأنك هتحس إن لك دور مهم في حياة الناس دي…

لكن لو نزلت لاقيت واحد طرطش مية من الدور السابع وإنت ماشي في الشارع..
هيكون إحساسك إيه؟
هل ثقتك هتفضل زي ما هي؟؟


"واحد" كان متعود يروح النادي كل يوم يلعب اسكواش..
وكان بيغلب كل منافسيه وكان ده مصدر فخره..
لكن في يوم حصلت له إصابة في الرباط الصليبي
والدكتور نصحه مايمارسش الرياضة دي تاني..
هل لما يقابل الناس اللي كانوا بينافسوه في الاسكواش,
هل هيتعامل معاهم بثقة زي الأول؟
كيف تزيد الثقة في ذاتك؟
أولا لازم نعرف إن الثقة دي مش ثابتة زي ما قلنا..
يعني الطبيعي إن ثقتك النهارده مش زي بكره مش زي بعده..
المعدل بيطلع وينزل.. ده الشيء الطبيعي..
اللي احنا بنعمله هو إن الثقة دي تبقى مرتفعة طول الوقت..
ممكن تنخفض شوية.. ساعتها تنفذ الخطوات اللي هنقول عليها دي

خطوات زيادة الثقة
..
ابحث عن نقاط القوة..
فيه حاجة ظريفة جدا مخنا بيعملها…لو فيه حاجة إنت متفوق فيها, غالبا بتحس إنها شيء عادي وبديهي بالنسبة ليك..
وإن أي حد ممكن يعملها..

فممكن ماتحسش إنها نقاط قوة عندك أساسا..
لي صديق كان متعود يكتب قصص من واحنا في المدرسة..
وكان مستوى القصص دي رائع في رأيي..

طلبت منه انه يعمل جروب وينشر فيه القصص بتاعته وفضلت الح عليه علشان يوافق…
عارفين عمل إيه؟!!

رفض قال إنه مش موهوب قوي وإنه مايستاهلش ينشر القصص بتاعته للناس..
وقال إن دي فرصة أكبر منه
طبعا فضلت أزن على دماغه وأتبع إستراتيجيات التفاوض واقتنع في النهاية..

وافق ينزل قصه في جروب واحده صحبتنا..

عارفين كانت إيه النتيجة؟
بعدها لقيت الجميع معجبين بقصته وأسلوبه..
لحسن الحظ كان معايا ساعتها وقرا كلام الناس عن أعماله أكيد متخيل الثقة اللي هو كان حاسس بيها… صح؟


عايز أقول إيه؟
اللي عايز أقوله هو إنك لازم تبحث عن نقاط القوة اللي عندك
ممكن تكون نقاط القوة دي حاجات إنت حاسس إنها عادية وإن ممكن أي حد يعملها
لو فيه نقاط قوة أنت عارفها أصلا
.. ابحث عن غيرها..
ابحث عن الحاجات اللي أنت بتعملها عادي جدا
وممكن ناس كتير حواليك مش عارفين يعملوها
.. اعرفها مهما كانت بسيطة اكتبها واقراها بتمعن..
عملية كتابتك ليها بترسخ المعتقدات دي في ذهنك أكتر
اكتب نقاط قوتك في ورقه فلوسكاب
.. خذ وقتك وفكر..
ثم اكتب هذه الأشياء مهما كانت صغيرة في نظرك..
هل تنشر البهجة في قلوب الأصدقاء؟

هل تحب مساعدة الآخرين؟
ما هوايتك؟؟

ماذا تجيد؟؟

بماذا تتميز؟؟

اكتب كل هذه النقاط هنا لأنها ستساعد على إكسابك الثقة والقوة في نقاط القوة
فيه قانون في العقل الباطن اسمه
(قانون التركيز)..
القانون ده بيخليك لو ركزت على حاجة هتغطي على الحاجات التانية وهتنمو وتزيد
أوصف شخص أنت تكرهه.. اكتب صفاته هنا


اللي حصل هنا؟

أنت بتكره الشخص ده فمركز على الجوانب السيئة اللي فيه..
في حين إن أكيد فيه جوانب كويسة.. أكيد يعني
..
عمره ما جامل حد؟؟

عمره ما ابتسم في حياته؟؟

عمره ما ساعد حد في حياته؟؟

أكيد عمل حاجات كويسة إنت عارفها بس الحاجات دي مش جاية على بالك
لأن (قانون التركيز) خلاك تركز على الجوانب السلبية بس..
بعد ما عرفت نقاط القوة اللي عندك,
ركز انتباهك عليها..
خليها دايما في بالك وإنت بتتعامل مع أي حد أو في أي موقف في حياتك..
لما تركز في النقاط دي هتلغي نقاط الضعف اللي عندك…
لو "محمد علي كلاي" ركز على إنه مش عبقري زي "أينشتاين" كان أصابه الاكتئاب!!
لكنه ركز على نقطة قوته واللي خلته يتفوق في مجاله..
لاحظ إن كلمته الشهيرة كانت:
"I’m the greatest" !

مافيش حد كامل في الدنيا دي..
اللي عنده فلوس ممكن يكون ناقصة شخصية جذابة..
ممكن واحد عنده قصر يزعل إنه معندوش جزيرة..
واللي عنده جزيرة يزعل إنه معندوش اتنين..
واللي عنده جزيرتين ممكن يزعل عشان معندوش سلطة مثلا زي الملك الفلاني...
لو الناجحين بيفكروا كده مكانوش أتقدموا خطوة...
ركز في اللي عندك وخليك مؤمن بيه وبقوته..
هيوصلك للثقة التامة في النفس..
لكن لو ركزت على نقاط ضعفك
ده هيكون الحاجة اللي بتشدك لورا وتعيق تقدمك..
وتدمر ثقتك في نفسك..
الاختيار في إيدك إنت!
نقاط قوتك أهي
أقراهم بتمعن.. حطها في محفظتك -في درجك–
في شنطتك أو علقها في غرفتك..

وجود النقاط دي أمامك وقراءتها بترسخ المعتقدات دي في ذهنك أكتر..

وارجع هنا اكتبهم تاني لو حبيت تعدل حاجة



التقديـــر


كلنا محتاجين للتقدير..

فاكر لما كانوا بيصقفوا لك في الفصل؟
فاكر لما نجحت وأهلك كانوا فرحانين بيك؟

إحساس رائع مش كده؟

كتير مننا الدافع الرئيسي وراء حياتهم هو البحث عن التقدير..
عايزين الناس تحترمنا -تفخر بينا- تعجب بينا طول الوقت.. صح؟

طيب..

ده شيء جميل جدا ومطلوب..


لكن فيه مشكلة بقى

..
ماذا لو لم تجد التقدير المطلوب بعد أن أنجزت شيئا مهما؟

ماذا لو توقف أحدهم عن تشجيعك ومساندتك؟
هل ستستمر في الإنجاز والنجاح بنفس الدرجة؟
هي دي المشكلة..

إنك بكده تكون ربطت نجاحك بظروف خارجية مالكش تأثير عليها..
بقيت كده عامل زي الريشة في مهب الريح..

تجيبك شمال تجيبك يمين..
!!مطرح تقدير الناس ما يوديك
لو توقف التقدير من الآخرين ممكن تتوقف عن الإنجاز
وتفقد الثقة في نفسك..

طيب إيه العمل بقى في المعضلة دي؟


فيه حل عبقري يعتبر خدعة للعقل الباطن..
عشان يخليك ماتحتاجش التقدير من الآخرين..
و زي ما أنتم عارفين, فيه طرق بنخدع بيها العقل الباطن
عشان يخلينا نحس بالأحاسيس اللي أحنا نقررها..

هطل صح؟

أنتم لسه شفتم حاجة؟

طريقة خداع العقل الباطن كي نتوقف عن طلب التقدير الذاتي من الآخرين:

الطريقة دي بسيطة جدا وهتخليك يبقى عندك اكتفاء ذاتي من التقدير
ومش هتكون محتاج تشجيع طول الوقت من حد
..الطريقة بسيطة جدا وممكن تستهيفها..
لكن مش ممكن تتخيل مدى تأثيرها.. الطريقة دي هي

:
إيه ده؟

أنا طولت عليكم..

نكمل المرة الجاية؟



طريقه خداع العقل الباطن....




ألطريقه ببساطه هي التحدث مع الذات
واحد هيقولى إحنا هنخرف ولا إيه
لأ يا سيدى
انتوا عارفين...اينشتاين
اينشتاين... كان بيقف يكلم نفسه كل يوم قدامه المرايه لمده ساعه
ولما سالوة بيعمل كده ليه؟
قالهم لانى أتعودت اكلم حد ذكى لمده ساعة يوميا

ناس هتقولى.. الناس هتقول عليا لسعت....
خالص
أنت هتكلم نفسك جواك...آه في سرك يعنى
مش هتمشى تهرتل فى الشارع
مثال
حاول كده تقول
انا سعيد....! أنا فرحان أوى.....أنا في منتهى السعادة
زي عبد المدبولي كده لما نصح المريض يقول

انا مش قصير اوزعة انا طويل واهبل

طيب خد بالك من إحساسك هتلاقى نفسك ابتهجت
وكمان هتلاقى نفسك ابتسمت...صح... اهو
الحكاية إن اى حاجه بنكررها جوانا
عقلنا الباطن بيتصرف على اساسها
يعنى لو كررت كلمات وحشه زى.. أنا تعبان.. وامكاناتى محدوده...ومش هنجح... وفاشل
عقلك الباطن هيتصرف على أساس المعطيات إلى أنت خزنتها فيه
بمعنى الى بيدور في نفسك اكنك بتسجله على الهارد بتاعك والهارد ده هو العقل الباطن بتاعك
المقصود بالحبة دول انك لازم تملى عقلك الباطن بالمفردات اللغوية إلى تحفزه على تدعيمك ودفعك لثقتك بنفسك وتنسى الألفاظ والمفردات الى بترجعك ورا
صعبه دى؟؟!

كمان في نقطه مهمة جدا
دايما كانوا يقولوا لينا ماتقارنش نفسك بإلي اقل منك وقارن نفسك بالأفضل
الكلام كويس بس في حاجه
المبالغة في المقارنة بالأفضل ممكن تؤدى للإحباط واهتزاز الثقة
بمعنى ماينفعش انا أقارن نفسى بأحمد زويل
لكن أجيب مثال ممكن ومتاح... واقدر أكون زيه
ده بيسموة القدوة
انما انى اقارن نفسى بحد بعيد أوى ده هيضعفنى جدا وهيهزنى قدام نفسى وهبان محبط
لكن لو أصابك الإحباط يبقى فورا روح لحد اقل منك وناقشه وأتكلم معاه علشان تعرف النعمة إلى أنت فيها
ده هيرجعلك ثقتك بنفسك بسرعة
دى برضه صعبه؟؟!

كمان أنت لازم تكافئ نفسك

لما تعمل حاجة كويسة وتحس إن أنت أنجزت
.. كافئ نفسك..!!
أيوه.. هات لنفسك بوكيه ورد..!اعزم نفسك على مطعم بتحبه..!هات هدية تكون نفسك فيها..!بس كده!!
مش جنان ولا هبل
ألطريقه دى مهمة جدا ليه؟
مش هتحتاج تقدير من الآخرين لأن التقدير أنت تهديه لنفسك!
العقل الباطن محتاج تقدير
..وإنت هتديهوله..
.. الدوافع للنجاح هاتكون بكده داخلية مش خارجية!

الدوافع للنجاح لما بتكون داخلية بتكون أقوى وتأثيرها مستمر

درجة التقبل الذاتي ترتفع!
وتقدر تتقبل نفسك أكتر وتتصالح مع ذاتك
الموضوع ببساطة ومن غير مصطلحات وكلكعة: لما تعمل حاجة كويسة كافئ نفسك..
دلع نفسك يعني!!ولا تهتم برأي الناس.. خليك فاكر إن رأي الناس فيك لا يدل عليك..
المهم هو رأيك إنت في نفسك..
وشوف النتيجة بنفسك....
بس كده
حاولوا كده تجربوا الحاجات دى وقولوا لي إيه الأخبار
بس
الرجوع الى أعلى الصفحة اذهب الى الأسفل
 
حد قبل كده اتهمك بالغرور؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البعبع (شيخ الحب) وزيرداخليةالشيطان :: البعبع :: شغل مخك-
انتقل الى: