المواطن المصرى عايز مصر تبقى المانيا !!! طيب ما تجرب تعيش كالمانى فى مصر
مثلا
1- تصحى من النوم 5 صباحا علشان تروح شغلك و احمد ربنا ان درجة الحرارة مش واحد تحت الصفر زى المانيا
2- استخدم عربيتك فى المشاوير المهمة كأن مصر مش عاملة دعم للبنزين
3-تكوى هدومك بنفسك لأنك مش هتقدر تستحمل انك تدفع حساب المكوجى
4- الزبال مش هيعدى على شقتك ..... نزل الزبالة بنفسك تحت العمارة
5- حاول تتعلم حاجات فى النجارة و الكهربا لأنك مش هتقدر تدفع حساب الكهربائى و النجار لما تحصل مشكلة بسيطة
6-لما تنام تطفى النور فى البيت كله لأن فاتورة الكهرباء غالية
7- ما ينفعش تخلف أكتر من طفلين لأن المربية بالساعة ممكن تاخد مرتبك كله
8- أحتفظ بهدوم الأطفال علشان تقدمها هدية لأى مولود بالأسرة زى ما انت اخدت هدوم منهم
9-لما تروح شغلك تشتغل بجد و تلتزم بمواعيد الراحة
10-و انت ماشى فى الشارع تمشى ع الرصيف و تعدى الشارع من الأماكن المحددة يعنى ما ينفعش تمشى وسط العربيات
11-كل يوم تنام الساعة 10 مساء و تسهر بس اليوم اللى صابح أجازة
12-لما تروح سوبرماكت تشترى الحاجات على قد احتياجاتك يعنى لو انتم فردين تشترى موزتين و تفاحتين و قطعين لحمة مش بالكيلو
13- تعمل أقرار ضريبى كل سنة و تحتفظ بكل الفواتير اللى صرفتها سواء نشاطك التجارى فردى أو شركة
14- لما تتجوز مافيش فرح و الكلام ده بتعزم أصحابك و اهل العروسة و العريس على عذاء و الموضوع خلص
15- لما تجيب هدية للعرسان بتسالهم هم محتاجين ايه او شقتهم محتاجة ايه
16-مفيش حاجة اسمها تتجوز فى شقة تمليك دى حاجة مستحيلة ....بتتاجروا شقة على قد امكانياتكم و الفرش واحدة واحدة
ابتدى أعمل الحاجات دى لغاية ما اكمل باقى الحاجات و مصر هتتغير للافضل
نحو الافضل
