البعبع (شيخ الحب) وزيرداخليةالشيطان

دنيا سوفت لخدمات الانترنت والروحانيات
 
الرئيسيةالبوابةمكتبة الصورالتسجيلدخول

شاطر | 
 

 لك الله يا مصر

اذهب الى الأسفل 
كاتب الموضوعرسالة
elpo3po3
Admin
Admin
avatar

عدد الرسائل : 2295
العمر : 48
الموقع : قلب حبيبتي
السٌّمعَة : 9
تاريخ التسجيل : 10/10/2007

مُساهمةموضوع: لك الله يا مصر   السبت أبريل 23, 2016 1:11 am

[url][/url]
Nahla Saleh
‏17 أبريل‏، الساعة ‏06:08 ص‏ · 



صباحكم خير 

كلمتين ساعه فجريه يمكن القلوب لسه صافيه

--------------------------------------

حكامنا و كتاب الأمير لميكافيللي

--------------------------

وافقتم او رفضتم لكن من جواكم عارفين أنها الحقيقه لا محال 

نعم 

الريس طبق أهم ما جاء في كتاب الأمير 

مبدأ (( فرق تسد )) علشان يسهل سلب الأراده 

دي الحقيقه انه قدر يفرقنا في لحظه بدل ما يجمعنا سوا 

أختار أنسب الأوقات لتفريق المصريين 

وقت صعب و انت خايف حرب بالداخل و عدو يترصد بالخارج 

و جماعه تحارب لعودتها للسلطه و أختناق أقتصادي

- أختار هذا الوقت و أعاد الجزر 

سعوديه او مصريه مش هتفرق معايا و لا هدور علي خرائط و لا وثائق

لأنهم أمن قومي لمصر و محدش يقنعني أن آلِ سعود يؤتمنوا

هم علي مر تاريخهم اللي عمره اقل من جماعه الأخوان عصابه وهابية سلفيه متخلفه 

- و متقلش الجيش موافق فأنت لا تعلم ،، لأن للجيوش حسابات

و الجيوش تنتظر أراده الشعوب

- الريس عارف أننا أكتوينا بنار الفوضي بعد يناير 

و البديل عنه هيكون بحور من الدم و فوضي تهدم مصر كلها

- انا مش هلومك انك مواطن و قلقان تلاقي بكره خائن تولي الحكم أو صراع عليه 

فجعلك انت نفسك يا مصري بدون أن تشعر تقول أنها ارض غير مصريه 

و انها للمملكه

لكن نفضل نثق فيه لأن عدونا متربص لنا من كل أتجاه ...

- و علي الجانب الأخر لا تلوموا عمن يتوكلوا علي الله و يقولوا نقطه و اول السطر لكن تفضل الأرض كامله 

و أحتمال كبير جدا ً تكون مصريه

- متقليش الريس بطل ٣٠/٦ و عرض نفسه للموت و أنقذنا من الأخوان 

كل الشعب المصري كان بطل ٣٠/٦

و لولا الشعب و الشرطه و الجيش كان هيستمر وزير دفاع مرسي 

و لو كان صدقي صبحي مكانه كُنْتُمْ هتعشقوا صدقي صبحي او غيره ،،،

كل مصري كان له دوره في أزاحه الاخوان

من أول بدايات مجازر الأتحاديه وقتها كانوا العيال بتموت و السيسي نايم في بيته

مع أولاده و بيحاول يصلح حال مرسي و يبقي عليه ...

متقليش كان وقتها يقدر يقبض و يخون البلد

محدش بيحدد أمتي هيتغير و لا انا خونته و برضه و لا أمنته ....

لكن كمان حاولت افهم كتير ما قدرتش أفهم غير اننا بنتقسم و هو عارف و متأكد اننا هنتقسم ...

فينا خايف علي بلده تتباع لملوك الصحاري و الزفت البترول ،،،

و فينا خايف عدو يستغل عدم الاستقرار و أرضنا كلها تتنهب ...

كلنا أتبهدلنا خمس سنين صعب أسمع من رئيس يقول ((أسمعوني انا و بس )) 

أنت لست نبي و انا لست متخلفه عقليا ً 

أنت رئيس دوله لفتره واحده علي الأرجح لكن أنا مواطن صاحب ارض و انت مفترض مثلي 

يا سيدي ليست اسرار مخابراتيه لتخفيها عني ....

- فوقوا يا مصريين كل حاكم هدفه يقسمنا و يكرهنا في بعض رغم اننا أجمعنا علي حب مصر ...
- هنقول بيشتغل و مشاريع و استثمارات و بدايه دوله (( و الله موافقه ))

لكن مين فينا حاله زي الأول !!!

كلنا بطريق مباشر او غير مباشر بندفع الثمن مهما كانت مقدرتنا الماديه ...

انا عن نفسي مريضه و بوفر ثمن خادمه مستمره تساعدني

و بشتغل في البيت و بأخذ كل يوم مسكن لعظامي و الام لا تحتمل في عضلات جسدي ،،

و كمان وفرت درس من دروس بنتي ،،

ده من بعد ما كنت بقضي كل صيف في باريس بعيش حياه أمراء ،،، 

شايله هم عمليه في أسناني أقلها ٦٠ الف جنيه لا اقل من ذلك 

رغم لو قلت لابويا يعطيني ٦٠٠ لكن مش دي تربيتي و لا أخلاقي 

اتعلمت أعيش علي قد دخلي ما دمت لا اعمل و أكون عفوفه النفس و أصبر 

لحد النهارده أخجل اطلب من ابويا نفسه

كلنا رابطين الحزام و بنقول معلهش و ماله دي بلدنا
- متجيش انت في الأخر يا ريس و تقسمنا بأختيارين كلاهما امر من المرار نفسه
أما نرضي بالفوضي و الخونه و الوقوف أمام مشروعات باقيه لأولادنا
و أما نرضي بضياع و التنازل عن ارض مصر أو أقله بسلم أمن بلدي لعدوي

و هي تحت أيدي و حمايتي 

ليه بتختار وقت الناس فيه صعب تختار ؟؟؟؟

- حد فيكم راضي الأرض تضيع

قولوا اقسم بالله ثلاثه لو كان منكم صادق 

لو البلد مستقره كُنْتُمْ سكتم و رضيتم ؟؟؟؟ 

- محدش يقول لي بتهري 

يا سيدي فيه ايه اهم من الأرض و الأمان عندي !!!!

لا انتوا خونه و لا انا خنتكم و لا بقف مع عدو بلدي

لكن للأسف ده حال حكامنا 

في لحظه الريس قرر يكون كتاب (( الأمير و فكر ميكافيلي مبدأه بدل مبادئ كثيره أحق منه ))

لك الله يا مصر






يحب الجاهل الغر من ضله*ومنه يقل اللحم والعقل والدم
كحب الفراش النار جهلاًوانها مضرته*لكنه ليس يعلم

Can not be successful and make good friends without gaining some enemies

(المنتدي ليس حديقة حيوانات ولا تكيه تنابلة بل ساحة نقاش علمي )



(حَدَّثَنَا يُونُسُ وَسُرَيْجٌ قَالَا)
حَدَّثَنَا فُلَيْحٌ عَنْ سَعِيدِ بْنِ عُبَيْدِ بْنِ السَّبَّاقِ عَنْ
أَبِي هُرَيْرَةَ
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ
قَبْلَ السَّاعَةِ سِنُونَ خَدَّاعَةٌ يُكَذَّبُ فِيهَا الصَّادِقُ
وَيُصَدَّقُ فِيهَا الْكَاذِبُ وَيُخَوَّنُ فِيهَا الْأَمِينُ وَيُؤْتَمَنُ
فِيهَا الْخَائِنُ وَيَنْطِقُ فِيهَا الرُّوَيْبِضَةُ

(قَالَ سُرَيْجٌ وَيَنْظُرُ فِيهَا الرُّوَيْبِضَةُ )

أصحاب النفوس الدنيئة يجدون اللذة في التفتيش عن أخطاء العظماء

بداية العلم أن تكتشف جهلك وبداية الجهل أن تكتشف علمك


ليس ضروري أن يكون حولك كثيرون حتى تكون ناجحا * فالأســــــد يسيــــــــر وحيــــــدابينما الثعلب خلفه الجميع



]
الرجوع الى أعلى الصفحة اذهب الى الأسفل
 
لك الله يا مصر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
البعبع (شيخ الحب) وزيرداخليةالشيطان :: البعبع :: الركن السياسي والاخباري-
انتقل الى: