حكاية

موضوع: حكاية الجمعة ديسمبر 11, 2009 8:25 pm

يروى ان رجلا صالحا كانت له بنت تسمى لطيفة و قد عرف بفراسته ان هذه البنت ستنحرف
فكان دائم الدعاء
يا لطيف ألطف بلطيفة و اجعل مشقتها خفيفة

كبرت البنت و جاء وقت الانحراف هربت من المنزل
لأن جماعة من معارف ابيها جاؤوا من مدينة اخرى لخطبتها و هي لا تريد ان تتزوج
لقيتها عجوز قوادة ادخلتها الى وكرها باعت ليلتها لشاب جاء حديثا الى المدينة
لطيفة ندمت في الصباح قررت العودة الى ابيها
في المساء جاء
اهل العريس لخطبتها فأخبر الرجل الصالح الولد عما فعلت ابنته
كان ذاك هو الرجل الذي قابلته في وكر الحية
تزوجها و كانت مشقتها خفيفة
هذه حكاية لطيفة

و يجب ان نرى في كل ما يحدث لنا لطفا و نعمة من الله
و لكل حديث روح
الى اللقاء في حكاية اخرى

موضوع: رد: حكاية الإثنين يناير 25, 2010 3:33 pm

يا لطيف الطف باكرم

واحد مالقاش صدر حنين

مالقاش غير احضان العاهرات

كبر والشهوه في دمه
ماترك خطيه ولامزمه
والبلاده انطبعت في دمه
اتجوز
محبش مراته بنت عمه
اتجوز عليها من الطريق تحت مظله
وجد حبيبته في حضن غيره بعلم امه
قالت عاشقة له من قبل ما اعرفك وده ببرود دمها
اتوب على ايدك وما اعيد مثلها
في جابت العشيق امها
رماها بلا رجعة وانكر بنتها

تعب
اتعذب
مرض
اتمنى يتعالج منها
وطلب من ربنا يداوي جرحها

هداه غيرها وللاسف بعد ما وقع في حبها
سافرت سفرة هي وامها

استاذنت لحظة تروح مشوار من امها

وعملت زي اللي قبلها

قبل ماتفكر يا ابن عمي بص قبل العروسه على امها

موضوع: رد: حكاية السبت فبراير 13, 2010 1:06 am

تحياتي لقصتك الجميلة

ونثرك ومراعاه بعض القوافي يا أستاذ أكرم

ولكني أري أن ,,,
مش كل بنت زي أمها
وصوابعك مش زي بعضها

موضوع: رد: حكاية السبت فبراير 13, 2010 4:48 am

لولا ثقتي ان مش كل صوابعي زي بعضها

كنت سلمت ان كلهم زي بعض

لكن صدقيني

انا غلطان
وكل مرة كانت فيه قصة
انا دخلت من ابواب غلط وكانت لازم تنتهي كده كل مرة
الحمد لله

لاني لو استمريت في العلاقات دي كان مساري اتغير

فيه ست مش كويسه وامها كويسه جدا

زي اخر واحده مثلا اللي فسرتيها في الحلم
عاوزة تتجوز واحد عشان المظهر الاجتماعي
وتماشي واحد عشان البرستيج والفلوس وتحب في التالت عشان الراجل اللي حسسها انها انثي وبيعاملها زي ماهي عايزة

ركبتني اخر السبنسه
علما عرضت الف دولار شهريا مقابل تقعد في بيتها معززة مكرمة

وتعمدت نتقابل في وجود اخواتي او في بيت العيلة
عشان الشيطان مايلعبش بدماغي
خاصة اني كنت ضعيف قدامها
وكنت مستعد اواجة الموت عشان ما اسمعش صوت انين بكاها في التليفون

لكن مكانش ينفع اكون رقم تلاته وانا رافض رقم اتنين

اول جثة بما اننا فتحنا مبررات وذكريات
كان اسمها صباح
وشها كان سعد عليا بصراحة
اتعرفت عليها في الغردقه واحنا رايحين نزلنا الجفتون جوز عرسان
15 يوم بالتمام
نزلنا مصر ابويا بص في وشها قالي ايه دي
قلتله مراتي
قالي برة يا ابن الوسخة

ماتجيش هنا تاني

مالحقتش اروح على بيتي كان عندي شقه في ميدان الاسماعيليه
وجوز بيعاكسوا خدتني الشهامة
واحد راح هليوبلس والتاني خلع
وانا اربعه استمرار
في 7 وايامها كان سجن الاستئناف فيه تحقيق
المهم دخلتلي طبليه زياده
وفيها جواب طلقني من الشباك
مافهمتش
وحد جة من الشباك اللي ناحيه درب سعاده فين اكرم انا اهو
كلم حد محولك دخان وعاوزك
(المامله في السجن دخان )
فيه فلوس برضه مش سهل تتصادر وندخل التاديب
المهم ايه يا ابله خير ايه اللي جابك
قالت اللي مكتوب
لقيت معاها واحد مين ده قالت سيد صاحبي
صاحبك ؟
اه زي اخويا وبتاع مراجيح

فكرت في بتاع المراجيح

سابتني
عادي الغريب انها ما اخدتش حاجة
يعني انا عاده في كل حته برمي فلوس
تحت السرير في الجزم
في الادراج
اي حاجة
لما اكون مفلس اقعد افتش

مالمستش حاجة
وما اخدتش غير هدومها حتى اللي انا جبته لها سابته

بطلت الجواز
لغايه كورينا
ام سارة
حصل معاها تريب مش ظريف هي وامها
خلصتهم منه
استجدعتني
لاني في الفترة دي كنت ماجر كافتريا في الغردقه
في الدهار
اسمها ولع دلوقتي واصبحت مطعم كبير
اسمه الريد سي
في اول شارع الدهار على الشمال

المهم اصبحوا معايا عرض مستديم
وقبل سفرها قالت انا عاوزاك معايا
يا ست اعقلي مافيش فايدة
قطعت تلات سنين ونص
وجبت فيهم سارة
وفي لحظة نقول طيش قلتلها انا دلوقتي معايا فلوس كتير اقدر ارجع مصر
اخلص جيشي
وارجع باسمي
اربي البنت كويس ومن غير مشاكل
انت مجنون
؟
بس رفعت سماعه التليفون
معرفش قالت ايه
عربيه شرطة جت
فقت بعد اسبوعين وقعدت سبع شهور في الجبس
واتعزلت حوالي اربع شهور
وفي المطار كانت حماتي بتودعني بورده بيضا

بطلت ام جواز
لغايه ام دنيا

بعد ام دنيا بقى حسيت اني محتاج واحده ست

ومش لاقيها

طبعا فترة هولاندا مكانتش فترة اخلاص برضه بصراحة
بس كنست فيها جنسيات
لاني كنت بشتغل زي فيلم ترانسبورتر
الفرق اني عارف ايه اللي في العربيه
ومعايا سلاح افنش نفسي احسن ما اتمسك
فالعادي في المواقف دي لازم اكون فاصل
ومقضيها

في صوفيا في بلغاريا كنت فاضي اسبوع مافيش شغل
هناك على المحطة فيه ناس بتستضيف الاجانب مقابل حاجة
يعني واحدة ارمله ممكن تستضيفك مقابل تملا التلاجه
بنطلون جينز
خرطوشه مارلبورو

تدفع الفواتير كانك راجل البيت

المهم واحده قفشتني

وطلعت قمر ليله كماله

طبعا اخوكي معندوش مضاد للحم الابيض
المشكله ان جوزها عمل عليا اضافه ازازة منقوع براطيش

في اللحظه اللي بيمسك فيها السكينه يقطع التفاحة عشان يمز كنت بفكر انه ممكن يرشقها في رقبتي

عشان كده كنت دايما اقعد وفي ضهري شباك مفتوح
والمطواه مفتوحة في كمي الشمال

المهم اخر الاسبوع جت قالتلي انا هاجي معاك مكان ما انت رايح
وهاسيب جوزي

واحده متجوزه من 11 سنه وهاتضحي بالراجل عشان نزوة اسبوع

فلسعت منها طبعا
النهارده
حاسس اني غلطت اني سبتها
لاني من بعدها مالقيتش اللي ممكن تعمل زيها

تاني
غير ام دنيا طبعا
صديقي الوفي

المهم بعد ام دنيا اتجوزت ام مريم
اللي طبعا الحب القديم اللي لحس كل حاجة ظهر تاني لما هي رجعت بيت اهلها

و نظرة في دمعه في كام كلمة لقيت نفسي الراجل اللي صلح غلطة غيرة مقابل شويه متعة

وهلم جرا

كتير انا غلطان
وكتير قدمت الخير وكتير بجد نفس النهايه

او بلاقي حيطة صد
وفيما يبدو
اني مش هابطل بحث
لان الصوابع مش زي بعضها

لكن اكيد فيه ست في مكان ما
انا حاسس بيها
وبانفعالاتها
وبوجودها
واي ست في حياتي نسخة مشوهه منها
فيه واحده بدور عليها
هاتكون شمسي ومحور فلكي
بس الاقيها
لان بعد شويه مش هاكون فاضي ليها

ولا لغيرها

والصوابع اذا كانت مش زي بعضها فهي في الكف اليمين او في الكف الشمال

ويا مسهل

صدعتك
انا عارف